Jæja samanstendur af fjórum ungum mönnum úr ensku bluegrass senunni. Þeir eru Bragi Þór Ólafsson (gítar), Evan Davies (mandólín), Kieran Towers (fiðla) og Sam Quintana (bassi). Bragi Þór á ættir að rekja í Borgarnes en hefur stundað tónlistarnám í Bretlandi undanfarin ár.

Bluegrass er spilað á órafmögnuð strengjahljóðfæri. Tónlistin á rætur í  breskri þjóðlagatónlist sem barst með fólksflutningum til Ameríku á 17. öld.

Í Kentucky fylki Bandaríkjanna árið 1939 stofnaði 28 ára gamall mandólínleikari og söngvari hljómsveit, Bill Monroe and his Blue Grass Boys. Þeir spiluðu og sungu lög um lífið í sveitum og fjallabyggðum suðurríkjanna. Bandið og tónlistarstíllinn nutu vinsælda og síðan er tónlistin í daglegu tali nefnd bluegrass. Þetta er fjörug tónlist sem gaman er að dilla sér við.

Á dagskrá eru sungin margrödduð bluegrass lög, bandarísk fiðlutónlist og frumsaminn bræðingur af bluegrass, jazz og þjóðlagatónlist.

Miðasala við innganginn. Miðaverð kr. 2500

Frekari upplýsingar má finna  hér