Veitingahús

Fjölskylduvænn og notalegur veitingastaður

Söguleg hús

Í veitingahúsi Landnámsseturs sem opið er alla daga er bæði hægt að fá mat, kökur, kaffi og aðra drykki.  Á matseðlinum er að finna fjölbreytta rétti sem ættu að fullnægja þörfum flestra, bæði barna og fullorðinna. Við höfum hollustu og ferskleika að leiðarljósi og höfum svanga ferðalanga sérstaklega í huga þegar skammtað er á diskana. Allir réttir eru unnir frá grunni á staðnum.

Veitingahúsi er opið alla daga frá kl. 10 – 21.

Landnámssetrið er til húsa í tveimur af elstu húsum Borgarness.  Búðarklettur nefnist húsið sem veitingahúsið er í og dregur það nafn sitt af klettinum sem það stendur við. Það var stækkað árið 1907 og síðan allt endurbætt af dugmiklum mönnum í Borgarnesi árið 1997 og aftur árið 2006 þegar Landnámssetrið var opnað. Árið 2013 var nýr salur byggður við gamla húsið og fellur hann fallega uppað Búðarkletti. Veitingahúsið rúmar nú um 130 gesti í þremur sölum.

Hollustuhádegi á boðstólum frá kl. 11:30-15:00

Hollustuhádegið okkar nýtur sífellt meiri vinsælda. Þar er á boðstólum gnægð kaldra grænmetisrétta og salöt, heit súpa og ilmandi nýbakað brauð. Á fimmtudögum er svo alltaf einn heitur réttur - sérstaklega hugsaður fyrir fastagestina okkar en að sjálfssögðu í boði fyrir alla. Fastagestir geta fengið sérstakt afsláttarkort.

Í ljósi Covid eru réttir ekki í hlaðborði heldur setur starfsmaður þá á diska eftir vali gesta. Einnig eru ekki allir réttir í boði á matseðli sem stendur. Réttir hvers dags eru breytilegir og kynntir á töflu í veitingahúsinu.